2010 තරුණ සේවා - රූපවාහිනී සුපර් ලීග්වොලිබෝල් පිරිමි සූරතාව ගුවන් හමුදාවටකාන්තා සූරියෝ තරුණ සේවා සභාවෙන්

කාන්තා ශූරතාව හිමි කර ගත් ජාතික තරුණ සේවා කණ්ඩායමේ නායිකාව මධුශිකා රත්නසිරි තරුණ කටයුතු ඇමැති ඩලස් අලහප්පෙරුම හා ශ්‍රී ලංකා වොලිබෝල් සංගමයේ සභාපති හා නියෝජ්‍ය ඇමැති ඩිලාන් පෙරේරා යන මහතුන් අතින් ශූරතා සංකේතය මුදල් ත්‍යාගය රු. 150,000 ලබාගත් අවස්ථාවයි ජාතික තරුණ සේවා සභාවේ සභාපති ලලිත් පියුම් පෙරේරා මහතාද මෙහි දැක්වේ.
ඡායාරූපය - මහරගම විශේෂ

ජාතික තරුණ සේවා සභාව, යෞවන කටයුතු අමාත්‍යාංශය හා ශ්‍රී ලංකා යෞවන සමාජ සම්මේලනය ඒකාබද්ධව සංවිධානය කරන ලද 26 වන තරුණ සේවා රූපවාහිනී සුපර් ලීග් වොලිබෝල් අභියෝගතා තරගාවලියේ සූරතා (පිරිමි) ශ්‍රී ලංකා ගුවන් හමුදා කණ්ඩායම සහ (කාන්තා) ජාතික තරුණ සේවා සභා කණ්ඩායම හිමි කර ගනිති.

මෙම තරගාවලියට පිරිමි කණ්ඩායම් 52 ක් සහ කාන්තා කණ්ඩායම් 28 ක් සහභාගි වූහ. මෙම තරගාවලියේ විශේෂත්වය වූයේ උතුරු නැගෙනහිර නියෝජනය කරමින් කණ්ඩායම් ඉදිරිපත් වීමයි.

අවසන් මහා තරගවලට කාන්තා අංශයෙන් ජාතික තරුණ සේවා සභා කණ්ඩායමත් මාවතගම කැෂුවලයින් කණ්ඩායම සහ පිරිමි අංශයෙන් ශ්‍රී ලංකා ගුවන් හමුදාව සහ ශ්‍රී ලංකා නාවික හමුදාව සුදුසුකම් ලැබූහ.

පෙරේදා රාත්‍රියේ මහරගම තරුණ මධ්‍යස්ථාන ගෘහස්ථ ක්‍රීඩාගාරයේ පැවැති තරගයේදී ක්‍රීඩා වාර පහෙන් පිට පිට තරග වාර තුනක් ජයග්‍රහණය කළ ජාතික තරුණ සේවා සභා කණ්ඩායම 2010 තරුණ සේවා - රූපවාහිනි කාන්තා සූරතාව හිමි කර ගත්තාය.

පිරිමි තරගයේදී ක්‍රීඩා වාර පහේදී 25 – 20, 23 – 25, 25 – 17 හා 25 – 15 වශයෙන් ලකුණු වාර්තා කළ ශ්‍රී ලංකා ගුවන් හමුදා පිල සූරතාව හිමි කර ගත්තේය.

කාන්තා අංශයේ අනු සුරතාව මාවතගම කැෂුවලයින් කණ්ඩායමටත් තෙවන ස්ථානය ශ්‍රී ලංකා යුද හමුදා පිලටත් හිමි විය.

පිරිමි අංශයෙන් අනුසූරතාව ශ්‍රී ලංකා නාවික හමුදා කණ්ඩායම හිමි කර ගත් අතර තෙවන ස්ථානය ජාතික තරුණ සේවා පිලත් සිව් වැනි ස්ථානය ශ්‍රී ලංකා යුද හමුදා පිලත් හිමි කර ගත්තේය.

කාන්තා

සූරතාව තරුණ සේවා රු. 150000 යි. අනු සූරතාව මාවතගම කැෂුවලයින් රු. 100000 යි. තෙවන ස්ථානය ජාතික තරුණ සේවා සභාව රු. 50000 සිව් වන ස්ථානය ශ්‍රී ලංකා යුද හමුදාව රු. 25000 යි.

පිරිමි

සූරතාව - ශ්‍රී ලංකා ගුවන් හමුදාව රු. 150000 යි.

අනුසූරතාව - ශ්‍රී ලංකා නාවික හමුදාව රු. 100000 යි.

තෙවන ස්ථානය - ශ්‍රී ලංකා යුද හමුදාව රු. 50000 යි.

දක්ෂතම ක්‍රීඩකයා (ශ්‍රී ලංකා ගුවන් හමුදාවේ) තිලංග රුක්ෂාන් රු. 100000 ක් දක්ෂතම ක්‍රීඩිකාව (තරුණ සේවා) මධුෂිකා රත්නසිරි රු. 100000 කි.

දක්ෂතම ක්‍රීඩකයින්

දක්ෂතම පන්දු පිරිනමන්නා සුදේශ් චමිල (නාවික) දක්ෂතම පන්දු ලබාගන්නා නුවන් චාමික (ගුවන්) දක්ෂතම පන්දු ඔසවන්නා කසුන් චතුරංග (නාවික) දක්ෂතම ප්‍රහාරක නිර්මාල් චතුරංග (ගුවන්) දක්ෂතම වළක්වන්නා එම්. රිනෝකි (ගුවන්) හා දක්ෂතම පිටිය රකින්නා ධනුෂ්ක උදයංග (නාවික) ත්‍යාග ප්‍රදානෝත්සවය යෞවන කටයුතු ඇමැති ඩලස් අලහප්පෙරුම මහතාගේ ප්‍රධානත්වයෙන් පැවැති අතර ශ්‍රී ලංකා වොලිබෝල් සංගමයේ සභාපති හා රාජ්‍ය පරිපාලන නියෝජ්‍ය ඇමැති ඩිලාන් පෙරේරා, ආර්ථික ප්‍රවර්ධන නියෝජ්‍ය ඇමැති රංජිත් සියඹලාපිටිය, බස්නාහිර ක්‍රීඩා ඇමැති උපාලි කොඩිකාර, නාවික හමුදාපති වයිස් අද්මිරාල් තිසර සමරසිංහ, ජාතික තරුණ සේවා සභාවේ සභාපති / අධ්‍යක්ෂ ජනරාල් ලලිත් පියුම් පෙරේරා ඇතුළු පිරිසකගේ ප්‍රධානත්වයෙන් පැවැත්වුණි